هام لطلبه الفرقه الرابعه

السلام عليكم ورحمه الله وبركاته

كل سنه وحضراتم طيبين جميعا

اولا بالنسبه للجدول وهو كالاتى

بالنسبه للماده البيئه ويقوم بتدريسها الاستاذ الدكتور علاء صادق
مطلوب الاتى
المذاكره وتحضير المحاضره جيدا

بالنسبه للماده دفاع اجتماعى ويوقم بتدريسها الدكتور محمد صابر وربنا يستر

المذاكره جيدا وتحضير المحاضره

بالنسبه لماده تخطيط ويوقوم بتدريسها الدكتور حسام رفعت

المذاكره جيدا وتحضير للمحاضره
وفيه بحث وان شاء سوف ننشر عنوان البحث عند اعلانه

بالنسبه لماده اداره مؤسسات ويقوم بتدريسها الدكتور احمد الشريف وربنا يستر

تحضير المحاضره الفصل الاول وجزء من الفصل الثانى
المذاكره جيدا
الانتظام فى المحاضره
المشاركه فى المحاضره
البحث وعنوان البحث " نماذج واساليب إداره المؤسسات
لكل طالب يؤدى وجهه نظره للنموذج المناسب إداره المؤسسات فى الوقت الراهن
البحث يوثق توثيق علمى

5 مراجع ويفضل المراجع الاجنبيه

والله الموفق والمستعان
*********************************************************************

بارك الله فيك يااستاذ عبد الرحمن
انا كنت لسه داخله اكتب عن محاضرات امبارح والنهارده
لكن فيك الخير
وبناكد مره تانيه علي الحضور لان المحاضرات السنه ده مهمه جدا جدا
ومحدش هيقول لحد محاضرات تاني اللي قاعد في البيت مش هيعرف المحاضرات اللي بتتاخد في المعهد
وامبارح اتكلم الدكتور علاء صادق في النقطه ديه
واتكلم النهارده الدكتور احمد الشريف واخدنا نص المحاضره في اللي بيتظلم في التقديرات واللي بيتساوي


وزي ماقال الاستاذ عبدالرحمن كل المحاضرات مهمه
وخاصة محاضره الدكتور حسام رفعت لانه بيشرح بالتفصيل وزي ماقال اللي هيقرا في الكتاب مش هيفهم حاجه

بارك الله فيكم وياريت تحاولوا تنزلولنا المحاضرات الي فاتت للطلبة علي المنتدي

معلش يااستاذ حسام حكايه التنزيل ديه انا شخصيا مش هعملها لاني كده بنساعد انا الطلبه ماتحضرش محاضرات وتدخل علي النت وبسهوله تنزلها علي جهازها
احنا عاوزين الكل يحضر محاضرات وزي مابنقول غيرنا نتغير احنا كمان للاحسن
مافيش مانع اني اقول اللي هيقولوا عليه الدكاتره من ابحاث او اعمال سنه او حاجات زي كده
لكن محاضرات انا بعتذر
ممكن اللي مش فاهم حاجه في اللي فات الدكاتره لو فيه وقت معندهاش مانع متهيالي انها تشرحهولنا

وشكرا لكم

عندك حق بس في طالبه عندها ظروف منعاها من حضور المحضرات في الي بيقصر وفي الي مش قادر يحضر انا معاكي في الي قولتيه بس في طالبه ياريت نراعيها في المو ضوع ده اتمني حضرتك تكوني فهمتيني وشكرا ليكي علي مجهودك الرائع بجد وياريت تكوني تبلغي باقي الطلبه بالحجات الي بتطلبها الدكاتره وانا هحاول اسعدك في الموضوع ده وشكرا مره تانيه يا حنان

فالي الامام وان شاء الله من نجاح الي نجاح

بس احب اقول حاجه اذا سمحتلى يا حسام

ظروف ايه هى الطالبه مش زيينا المفروض انها تحضر اوكى انا معاك انه فيه ظروف اسبوع اسبوعين لكن الترم كله وتقولى ظروف

اساسا فيه طلبه بتجى المعهد ومش بتحضر محاضرات تقدر تقولى السبب

ثانيا اشمعنا بيحضرو حلقات بحث ولا يعنى علشان فيه غياب وحضور ارجو الرد

انا اسفه اذا كنت انفعلت بس اسلوبك فى الحوار مستفز ومش بعيد يكون انته اولهم مش بتحضر وتولدت وفى فمك معلقه دهب انا اسفه بس ده اقل تفسير ممكن افسره

انا عارفه انك حتلغى عضويتى بس دى كلمه حق

ومرسى خالص

الرجل المناسب فى المكان المناسب
كم كنا ننتظر مثل هذا القرار والاختيار للاستاذ محمد
فقرار حكيم لشخصية حكيمة ثرية الفكر متوازنة القرار
ألف مبروك

اولا : شكرا ليكم جميعا علي ردكم وبارك الله فيكم
ثانيا : ماشي اللي عنده ظروف مافيش مانع يروح للدكاتره والدكاتره هتقدر ده بس مش مايحضرش خالص وتقول غصب عنه لان ده علم واللي عاوز العلم مهما كانت ظروفه هيتغلب عليها !!! وياريت تكون فهمتي قصدي وقصد الاخت رانيا
ثالثا: فعلا انا مع الكلام اللي اختي رانيا لان انا بشوف ناس بتقعد بره وتكون جايه من اول اليوم وماتحضرش
عندك حق في اللي قولتيه يارانيا وماتعصبيش نفسك ان شاءالله كله خير وربنا مابيضيعش اجر حد ابدا

اولا انا بجد والله سعيد بالي حضرتكم قولتوا وثانيا انا قصد المحضرات الي فاتت وانا لما تكلمت عن الظروف اتكلمت علي ناس انا عارفها بجد ومقدر ظروفها لانها حكتلي علي الظروف دي وانا مقصدتش الترم كله ولا حاجه


علي فكرا ياجماعه انا الحمد لله بحضر محضرات وانا بشوف طالبه مبترضاش تحضر وبتتمشي في المعهد وسوري في الي بقوله بيعكسوا اخواتنا الطالبات ودي حاجه بتديقني وتزعلني جدا لانهم هما اخوتنا فازاي الواحد يقبل انه اخته تتعاكس والله الي بنعمله في الناس هيتعمل فينا انا بنصح كل لي بشوفه ربنا يعلم لاني الي هيعاكس وحده هيجي واحد يعاكسلوا اخته او بنت خالته او اي حد من قرايبه فكما تدين تدان


انا مش شايف اني اتكلمت باسلوب مستفز والله انا بتكلم عادي قصدي المساعده مش اكتر والله وربنا يعلم بالنوايا


انا سعيد برد اختي العزيزه رانيا وحنان وسميه سعيد بردودكم

هههههههههههههههههههههههههههههههههه
عضويه ايه الي احزفها احنا في حريه تامه والي عنده اي حاجه يقولها انا بحب النقاش والحوار مش دكتاتوري قولي كل الي في نفسك وميهمكيش حاجه يا رنيا متقلقيش

بشكركم جميعا واتمني انكم تفهموني بجد والله مقصدي غير الخير وبس

الف شكر علي ردك وتوضيح وجه نظرك يااستاذ حسام وان شاءالله كل اللي عنده ظروف ربنا يعديها ويصلح حالنا جميعا
والدكاتره كويسين الحمدلله اي حد عنده ظروف وبيروح للدكاتره بيقدروها

يارب كل الشباب تبقي كده وتفكر ان البنات اللي بتعاكسها ديه خواتها او مش لازم نقول خواتها ممكن حد يزعل ويقول مرضاش عل ياختي تطلع باللبس ده المهم مانعملش حاجه تغضب ربنا علشان ربنا يغفرلنا ويرحمنا جميعا

وربنا يصلح حالنا وحال البلاد كله يارب

بشكرك يا صاحبه القلب الحنون علي ردك وتعاونك معايا واتمني ان الكل يكون فهم وجه نظري بشكرك كمان مره وبارك الله في الجميع